സമസ്ത ജീവജാലങ്ങളില്‍ മുദ്ര ചാര്‍ത്തും
കാലമെന്ന സമസ്യയൊരതിശയം !
അതു വിധിയോ വിധിനിര്‍ണ്ണയ ഘട്ടമോ
വിധിവൈപരീത്യങ്ങളുടെ കേളീമണ്ഡലമോ ?
വിധിയെഅതിജീവിക്കനുള്ള ദൈവിക പാതയോ
വിധാതാവു തന്നെയോ ?
മനുഷ്യമനസ്സുകളെ വ്രണപ്പെടുത്തുന്നവനോ
വ്രണിത ഹൃദയങ്ങള്‍ക്കുള്ള ഔഷധമോ ?
ഭൂതവും വര്‍ത്തമാനവും ഭാവിയുമെല്ലാം
കാലത്തെയളന്നിടുമേകകങ്ങളോ ?
കാലത്തോടിനിയും യുദ്ധം ചെയ്യേണമോ
കാലപ്രവാഹത്തില്‍ ലയിക്കേണമോ ?
കാലനിര്‍വ്വചനത്തിനുള്ള ശ്രമശരങ്ങള്‍
പേര്‍ത്തും നാണിച്ചു തിരിച്ചു വരുന്നു !!
