കരളില്‍ പ്രണയം കൊടിയേറ്റിയ കണ്‍മണീ
മിഴികളില്‍ മോഹം കൊണ്ടാടിയ പൈങ്കിളീ
നിന്റെയിഷ്ടങ്ങളറിയാന്‍
മൌനം സമ്മതമാക്കാന്‍
മനമിടറി നിന്ന നാളുകളോര്‍മ്മയായ്..
സമ്മാനമായ് വാങ്ങിയൊരാദ്യ പുഞ്ചിരിയെ -
ന്നേകാന്തതയില്‍ പാര്‍വ്വണം പെയ്തു.
അന്നെന്നത്മാവിലുതിര്‍ന്ന ചുംബനം
നിന്‍ കവിളിണ തേടിയലഞ്ഞു.
പാതി മൂളിയ സമ്മതവാക്കിനെ
ഭാവനകൊണ്ടു ഞാന്‍ പൂര്‍ണ്ണമാക്കി.
ഋതുഭേദം നിന്നിലും പീലി നീര്‍ത്തി
യൌവ്വന പ്രഭതൂകിയലങ്കരിച്ചു
കാമനകള്‍ കതിരണിയും മുന്‍പേ നീ
വിട പറയാതന്നു പോയ്മറഞ്ഞു.
പറയാതെ പോയൊരാ വാക്കിന്റെയാഴ -
മിന്നുമെന്‍ നിദ്രയോടിടഞ്ഞു നില്‍പ്പൂ.
Subscribe to:
Post Comments (Atom)
Kollam vishada kamuka..........
ReplyDelete